На 30 септември беа одбележани 160 години од раѓањето на големиот светски научник Михајло Пупин.
Михајло Пупин е роден на 4 октомври 1858 година во Идвор, Србија. Но поголемиот дел од животот го поминува во САД, каде што направил научна и академска кариера. Тој бил професор по физика и математика во Колумбија Универзитет, САД.
Во текот на својот работен и животен век д-р Пупин добил многу почести, награди и признанија. Бил претседател на Американскиот институт на радиоинженерите и претседател на АИЕЕ (Американски Институт на електроинженери), прв човек на Американсаката асоцијација за унапредување на науката и на Њујоршката академија на науки, како и член на Француската и на Српската академија на науки.
Пупин е собстевник на огромен број патентни признанија во цел свет. Во САД има 35 одобрени патенти, во Англија 17, Франција 10, Канада 8 и во Данска 5.
Еден од најпознатите пронајдоци е Апарат, кој овозможува телефонски разговор на далечни растојанија.
