Во 2012 година, меѓународните пријави за патент поднесени во рамките на Договорот за соработка во областа на Патентите(ДСП) забележа раст од 6,6% во однос 2011. Уделот на Јапонија и Соединетите Американски Држави (САД) изнесува 48,8% од 194.400 ДСП апликации поднесени во 2012 година. Додека, Кинеската телекомуникациска компанија ZTE, со своите 3906 пријавени апликации, беше најголемиот подносител во 2012.
Меѓународните пријави на трговски марки поднесена во рамките на Мадридскиот систем се зголеми за 4,1% во 2012. Уделот на Франција, Германија и САД во вкупниот број од 44.018 пријави во 2012 година, изнесува 36,5%. Швајцарската фармацевтска компанија Новартис беше најактивен подносител во 2012 година, со 176 пријави по мадридски систем.
Меѓународните индустриски дизајни поднесени во рамките на Хашкиот систем за меѓународна регистрација на индустриските дизајни се зголеми за 3,3% во однос на 2011. Во 2.604 пријави поднесени во 2012 година содржани се 12.454 индивидуални дизајни, што претставува 3,5% раст во текот 2011. Уделот на Франција, Германија и Швајцарија изнесува 62,8% од вкупниот број на пријавени дизајни. Swatch АГ од Швајцарија со 81 апликации беше најголемиот подносител во 2012 година.
“Како и во претходните години, интересот за меѓународни пријави во системите администрирани од СОИС е зголемен и покрај слабата економска клима”, истакна генералниот директор на СОИС Френсис Гури. “Како што почнуваат да се наѕираат знаци на закрепнување, оние компании кои за времето на кризата изградија силни портфолија на нематерјални права ќе имаат највеќе корист од новите можности на пазарот.”
Извор : Берин
