На 29.04.2014 беше избран овојгодишниот “Патент на годината”. Техничко-технолошкото решение за преработување талог од комунални отпадни води и добивање органско-минерално ѓубриво е Патент на годината за 2013 година. Признанието на 20-годишната манифестација го добија пронаоѓачите: Ресми Зиба, Момчула Јорданоски, Валентина Пеливанова и Ајро Валит.
” Проектот го почнавме пред неколку години и на крајот успеавме да создадеме нов производ. Затворивме еден циклус во природата. Отпадот што го создава човекот го претворивме во минерално ѓубре што има голема употребна вредност и дава одлични резултати во земјоделството“. – изјави Пеливанова.
Иноваторите за својот пронајдок, освен Патент на годинта, добија и златен медал од стручмото жири, златен медал од Меѓународната федерација на здруженијата на инвентори, златен медал и диплома од Здружението на иноватори од Полска, а исто така и диплома од Здружението на жени-иноватори од Босна и Херцеговина.
Признанијата и наградите ги врачија директорот на Државниот завод за индустриска сопственост Сафет Емрули и неговиот заменик Мите Костов. Емрули во обраќањето најави изготвување стратегија за индустриска сопственост со цел соработка меѓу индустријата и науката во насока на изготвување нови иновативни проекти, како и објавување конкурс за европски патентни застапници на веб страницата на Заводот.
Автор: Христина Трајчевска
Извор: МИА
